E rëndë/ Ishte me pushime me familjen, humb jetën në Radhimë mjeku i njohur (EMRI)

Një ngjarje e rëndë ka ndodhur sot në plazhin e Radhimës në Vlorë.

Mësohet se një mjek 49-vjeçar nga Korça, është gjetur i pajetë në shezlongun në zonën ku po pushonte prej disa ditësh së bashku me familjen.

Sipas njoftimit paraprak, ngjarja ka ndodhur në mesditë rreth orës 12:35 dhe dyshimet e para flasin se i ndjeri ka ndërruar jetë për shkaqe natyrale.

Ambulanca ka marrë trupin e pajetë të viktimës dhe ka çuar në morg, ndërsa policia ka nisur punën për zbardhjen e plotë të rrethanave të kësaj ngjarjeje.