E rëndë/ Gjendet i pajetë një 13-vjeçar, dalin dyshimet e para

Një ngjarje e rëndë ka ndodhur së fundmi në  fshatin Gërnac të Kurbinit.

Bëhet fjalë për një 13-vjeçar me inicialet R. K, i cili është vrarë me armë zjarri në afërsi të banesës së tij.

Ishte kryeplaku i fshatit ai që ka telefonuar policinë. Burime bëjnë me dije se viktima bashkë me tre fëmijë të tjerë kanë qenë duke kullotur bagëtitë në mal, e atje kanë gjetur armën.

Raportohet se ata kanë dërguar bagëtitë në stan e kanë nisur të luajnë me armën e gjetur, që për fat të keq, ka qenë e mbushur.

Paraprakisht dyshohet se i mituri ka shkrepur vetë armën dhe si pasojë nuk ka mundur t’i mbijetojë plagëve të marra, duke ndërruar jetë në vend.