LIGJET E BIZNESIT
Ditën e sotme policia ka konfirmuar arrestimin e Mine Lezit 52 vjeç dhe vajzës së saj Aida Lezit, 21 vjeç.
Të dyja akuzohen për vrasjen e kryefamiljarit Ylber Lezi, 47 vjeç.
“Nga tërësia e veprimeve hetimore të kryera dyshohet se dy shtetaset e lartëpërmendura në bashkëpunim me njëra-tjetrën, në banesë, kanë goditur me sende të forta duke i shkaktuar vdekjen e menjëhershme shtetasit Ylber Lezi”, bëjnë me dije uniformat blu.
Nënë e bijë akuzohen për veprën penale “Vrasja për shkak të marrëdhënieve familjare”.
Më herët, policia bëri me dije se rreth orës 22.30 të së Dielës, në sallën operative të Komisariatit të Policisë Mat erdhi një telefonatë që lajmëronte se në banesën e Ylber Lezit, në fshatin Gurrë e Vogël të Klosit, po ndodhte një konflikt në familje.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Kur efektivët shkuan në banesë, ku Mine Lezi ka shfaqur rezistencë duke mos ju hapur derën shërbimeve të Policisë. Në këto kushte, policët kanë hyrë me forcë në banesë dhe kanë gjetur me shenja dhune në trup dhe pa shenja jete kryefamiljarin Ylber Lezi.
Lidhur me ngjarjen, u shoqëruan në Komisariat bashkëshortja e viktimës Mine Lezi, 51 vjeçe dhe vajza e tyre Aida Lezi, 21 vjeçe. Më vonë, policia konfirmoi arrestimin e tyre duke i akuzuar për vrasjen e 47-vjeçarit.
Familja jetonte në ksuhte të vështira ekonomike, ndërsa raportohet se kryefamiljari kishte shkuar i dehur në banesë mbrëmjen e djeshme. Megjithatë, nuk ka një konfirmim zyrtar nga autoritetet lidhur me dinamikën e krimit në familje.
