E dhimbshme/ Zjarrfikësi gjen nën rrënoja trupin e vajzës së tij të mitur, mbështjell me xhaketë të bijën e pajetë

Një zjarrfikës në Miami arriti të gjente trupin e të bijës teksa po kërkonte me ekipin e kërkim-shpëtimit nën rrënojat e pallatit 12 katësh, që u shemb para pak ditësh.

Një dëshmitar nga vendi i ngjarjes ka treguar se vajza e tij 7 vjeçe u gjet nën rrënoja mbrëmjen e kaluar, ku babai i saj e mbështolli trupin e së voglës me xhaketën e tij.

Babai tejet i dëshpëruar, vëllai i tij si dhe shpëtuesit e tjerë e ndihmuan për të nxjerrë  trupin e vajzës.

“Zemrat dhe lutjet tona janë plotësisht me familjet e prekura nga kjo tragjedi e e rëndë. Ne mund të konfirmojmë faktin që një anëtar i familjes tonë të Departamentit të Zjarrfikësve në Qytetin e Miamit ka humbur vajzën e tij vetëm shtatë vjeçare. Ajo u gjet një natë më parë nga anëtarët e Ekipit tonë të Kërkimit dhe Shpëtimit Urban, Task Force 2 në Florida”, u shpreh Shefi i Shpëtimit në Miami, Joseph Zahralban.