“Dorëzova edhe 2 video” Dëshmoi në Prokurori për incidentin me policinë, gazetari tregon çfarë deklaroi

Pas incidentit ku u përfshi dje me efektivët e policisë, gazetari Ergys Gjençaj u paraqit sot në Prokurorinë e Tiranës.

Fillimisht ai dha dëshminë dhe deklaroi se ka dorëzuar dhe dy video që i filmoi me celularin e tij.

“U thirra nga ana e Prokurorisë për të dhënë dëshminë time përsa i përket ngjarjes së djeshme. Unë e kreva detyrën time, dhashë dëshminë time, duke treguar gjithë dinamikën e ngjarjes.

Po ashtu dhashë edhe dy videot e regjistruara nga aparati im celular dhe nuk më mbetet gjë tjetër veçse të apeloj që institucionet e drejtësisë të hedhin dritë mbi ngjarjen dhe të vendosin drejtësi,”- u shpreh në prononcimin e tij gazetari Gjençaj.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern