“Dënoj me forcë dhunën arbitrare ndaj gazetarit”/ Meta: Meriton ndëshkim ligjor

Presidenti Ilir Meta thotë se ajo çfarë ndodhi me gazetarin Ergys Gjençaj, i cili u shtri në tokë me duart pas dhe u cilësua si bashkëpunëtor nga policët në aksion pasi filmoi një operacion antidrogë, është një ngjarje e rëndë.

Meta deklaron se ky rast meriton ndëshkim ligjor, ndërsa përdorimi i pajustifikuar i dhunës, veçanërisht ndaj përfaqësuesve të medias, është kthyer në një mentalitet shqetësues në radhët e Policisë.

Postimi i Metës

Dënoj me forcë dhunën arbitrare të punonjësve të Policisë së Shtetit ndaj gazetarit të “News 24”, Ergys Gjençaj, i cili ishte në krye të detyrës dhe që gjithmonë ka dëshmuar profesionalizëm të lartë për informimin publik.
Ky rast i përsëritur i cënimit fizik të reporterëve meriton ndëshkim ligjor dhe është një tjetër incident i rëndë, që dëshmon se përdorimi i pajustifikuar i dhunës, veçanërisht ndaj përfaqësuesve të medias, është kthyer në një mentalitet shqetësues në radhët e Policisë, që duhet trajtuar me zero tolerancë, në përputhje me ligjin.
Duke shprehur solidaritetin dhe mbështetjen e plotë për të gjithë gazetarët kurajozë dhe të pavarur, theksoj se liria e medias është thelbësore për demokracinë dhe integrimin e Shqipërisë në Bashkimin Europian.

https://fb.watch/v/1f7y65Uq-/

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern