Dalin pamjet/ Ja si grabiste banda shqiptare në Mykonos, hynin nga dritaret e tualeteve (VIDEO)

Dalin detajet e reja për mënyrën se si funksiononte banda e shqiptarëve në Mykonos.

Mediat greke zbulojnë se ata kanë vjedhur që nga viti 2020 e deri pak ditë më parë 39 vila dhe 320 mijë euro sende me vlerë dhe para.

Anëtarët e bandës në fakt ditën shfaqeshin si një familje e mirë dhe madje për të mos rënë në sy shmangnin kontaktet me fqinjët.

Ndërsa natën ishte koha e veprimit.

Ata ecnin nëpër shtigje dhe rrugë të errëta ndërkohë që për të hyrë nëpër vila nuk zgjidhnin dyert, por dritaret e tualeteve.

Me anë të kamerave termike, Policia e Mykonos ka zbuluar një prej veprimeve të dy prej anëtarëve të bandës teksa tentonin të hynin natën në një vilë. Ata dallohen për veprime shumë të shpejta dhe mashtruese.

Mes sendeve të vjedhura nga shqiptarët kishte çanta apo ora Rolex, Louis Vuitton, Prada apo Channel.