Ç’po ndodh?! 13 furgonë të FNSH, policisë së Durrësit dhe Tiranës nisen drejt Niklës dhe Ishmit 

13 furgonë të Forcave të Ndërhyrjes së Shpejtë dhe ato të Policisë së Shtetit janë nisur këtë të enjte drejt Niklës dhe Ishmit. Bëhet me dije se në operacion marrin pjesë dhe forca të Policisë së Durrësit, Tiranës dhe Krujës.

Paraprakisht, mësohet se bëhet fjalë për një operacion të madh për goditjen e paligjshmërisë në fushën e kultivimit të kanabisit. Mediat mësojnë se janë rreth 31 parcela me drogë të cilat janë zbuluar nga Policia, nga kontrolli i territorit.

Edhe më herët në këto zona ka pasur operacione të kësaj natyre. Pas zgjedhjeve të 25 prillit, Policia dhe FNSH zbarkuan në Fushë Krujë, nga ku shkatërruan disa parcela me drogë dhe u arrestuan shumë persona.