Çfarë po ndodh në Kosovë? Shpallet gjendja e jashtëzakonshme në Deçan

Shpallet gjendja emergjente në Deçan të Kosovës.

Lajmin e ka dhënë kryetari i Komunës Bashkim Ramosaj.

Vendimi është marrë në bazë të Ligjit për Vetëqeverisje Lokale dhe Ligjit për Parandalimin dhe Sëmundjeve Ngjitëse të Statutit të Komunës së Deçanit.

Me anë të këtij vendimi obligohen të gjitha institucionet e nivelit lokal për Ngritjen e Gatishmërisë për Menaxhimin e kësaj situate Emergjente e ndodhur pas helmimit të fundit.

Kujtojmë se që nga e shtuna rreth 900 qytetarë të Deçanit kanë kërkuar ndihmë mjekësore, pasi dyshohet se u helmuan nga uji i pijshëm, ndërsa në 24 orët e fundit kanë ndërruar jetë dy persona, të cilët dyshohet se lidhen pikërisht me helmimin nga uji, por që Prokuroria Themelore ka nisur hetimet.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern