Çfarë po ndodh? Ardi Veliu me urdhra të rrepta për efektivët e policisë

Mbrëmjen e kaluar, Drejtori i Përgjithshëm i Policisë së Shtetit Ardi Veliu, i shoqëruar nga Drejtori Vendor i Policisë Vlorë Bledar Çeliku, ka inspektuar zbatimin e masave anti-covid si dhe të masave shtesë të marra për të garantuar sezon turistik sa të konfrom rregullave.

Veliu iu ka kërkuar drejtuesve të Drejtorisë Vendore të Policisë Vlorë, rritjen e efikasitetit të shërbimeve sa i përket punëve në terren, me qëllimin e vetëm parandalimin e ngjarjeve kriminale, konflikteve, zhurmave dhe prishjes së qetësisë publike.

Gjatë bisedës me efektivët në terren, ai i ka inkurajuar shërbimet policore të veprojnë me zero tolerancë, jo vetëm për zhurmat, muzikën si dhe respektimin e orarit të muzikës, orës policore dhe mbylljes së lokaleve, por edhe ndaj çdo paligjshmërie e çfarëdolloj përmase qoftë ajo.

“Nuk është e vështirë as mbyllja e muzikës dhe as e lokaleve, në rast se ju veproni me zero tolerancë. Mos u stepni nga asnjë telefonatë, zbatoni ligjin me një standard, duke i trajtuar në mënyrë të barabartë të gjithë pronarët e lokaleve. Kontrolloni në mënyrë permanente territorin dhe shërbejuni me përkushtim dhe etikë qytetarëve. Ndihmoni pushuesit sa herë që kanë nevojë për ndihmën policore duke reaguar në kohë dhe do të keni gjithë mbështetjen e drejtuesve tuaj, por edhe timen”, – theksoi ai.