LIGJET E BIZNESIT
Budapesti është mbushur ditën e sotme me flamujt e Shqipërisë, e kjo për një arsye mjaft të veçantë.
Statuja e heroit tonë kombëtar, Gjergji Kastrioti Skënderbeu, do të pozicionohet në parkun qendror të Budapestit, përballë statujës së heroit të Hungarisë, Janosh Huniadit.
Vendosja e bustit është nisëm dhe dhuratë e Bashkisë së Tiranës për qytetin e Budapestit. Ashtu siç kishte premtuar edhe kryetari i bashkisë Erion Veliaj, monumenti i Skënderbeut, vendoset në kryeqytetin e Hungarisë, në shenjë nderimi dhe kujtimi për miqësinë si dhe bashkëpunimin që heroi ynë ka pasur me Huniadin, por edhe për miqësinë e cila vijon mes dy popujve dhe dy kryeqyteteve.
“Sapo në Budapest, për vendosjen më në fund të bustit të Skënderbeut në Parkun Qendror – dhuratë e @bashkiatirane për Bashkinë e Budapestit në shenjë të miqësisë mes dy heronjve tanë kombëtarë Gjergj Kastriotit dhe Janosh Huniadit”, shkruan Veliaj.
