Arrestohet juristi dhe biznesmeni në Durrës, si e përdorën Photoshopin për të përfituar pronën në bregdet

Ditën e sotme u arrestuan 4 persona në Durrës.

Ata u përpoqën që të përfitonin një pronë publike në bregdet me anë të dokumentave të falsifikuara.

Në pranga kanë rënë një jurist, një biznesmen dhe dy punonjës të këtij të fundit.

Burime bëjnë të ditur se i arrestuar është  Mikel Zaho, ish-jurist i Kadastrës së Durrësit dhe aktualisht jurist në Kadastrën e Tiranës, biznesmeni Ilias Fisheku, 62 vjeç, si dhe dy punëtorë të biznesmenit, 36-vjeçari Giraon Aliko dhe Rakip Haxhiu. Për Haxhiun policia ekzekutoi masën e arrestit në shtëpi.

Policia sqaron se “të lartpërmendurit, në bashkëpunim me njeri-tjetrin kanë aplikuar dhe regjistruar me dokumente të falsifikuara në hipotekën e Durrësit, një pasuri të paluajtshme 2000 m2 tokë truall dhe mbi të 550 m ndërtesë, në zonën bregdetare në fshatin Vrinjë, Njësia Administrative Rrashbull, rrethi Durrës. Pasuria është regjistruar në kadastër me dokumente të falsifikuara, në emër të Giraon Aliko dhe Rakip Haxhiu. Për regjistrimin e kësaj pasurie në zonën bregdetare Durrës janë hartuar me Photoshop, përdorur dhe depozituar dokumente të falsifikuara të leje së legalizimit për objektin me një sipërfaqe ndërtimi 550m2 dhe sipërfaqe trualli 2000 m2.”

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Të arrestuarit akuzohen për falsifikim të dokumenteve dhe mashtrim.