Arrestohet 58-vjeçarja në Skrapar, shpallet në kërkim bashkëshorti i saj, ja cfarë ndodhi  

Evidentohet dhe goditet një tjetër rast i tentativës për kultivim të bimëve narkotike në Skrapar. Për pasojë në pranga ka përfunduar një 58-vjeçare. Në njoftimin e poliisë thuhet se kubikët me drogë u gjetën në fshatin Gërmenjë.

Në përfundim të veprimeve të para hetimore, specialistët për Hetimin e Krimeve në Komisariatin e Policisë Skrapar arrestuan në flagrancë shtetasen H. G., 58 vjeçe dhe shpallën në kërkim bashkëshortin e saj, shtetasin E. G., 58 vjeç (i dënuar më parë për veprën penale “Kultivimi i bimëve narkotike”), banues në fshatin Gërmenjë.

Gjatë kontrollit, shërbimet e Policisë kanë gjetur kubikë me fidanë të dyshuara kannabis sativa në tokën në pronësi të këtyre shtetasve. Materialet i kaluan Prokurorisë së Rrethit Gjyqësor Berat, për veprime të mëtejshme.