Aksident i rëndë/ Autobuzi përplaset me “Land Rover”, ndërron jetë një person

Një aksident i rëndë ka ndodhur sot pasdite në aksin Rubik-Rrëshen.

Sipas policisë, rreth orës 17:22, në aksin rrugor Rubik-Rreshen, mjeti autobus është përplasur me mjetin tip “Land Rover” me targa italiane, ku si pasojë ka gjetur vdekjen drejtuesi i mjetit ende i paidentifikuar.

Shoferi i autobuzit është shoqëruar në Komisariatin e Policisë Mirditë, për veprime të mëtejshme.

Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes .