10 qirinj që simbolizojnë jetët e humbura/ Gjesti prekës në nder të viktimave

Dhjetë qirinj për dhjetë jetë të humbura në aksidentin e sotëm u ndezën mbrëmjen e sotme pranë Teatrit Kombëtar në sheshin “Skënderbeu” në Prishtinë.

Kreu i Kuvendit Glauk Konjufca, zëvendëskryeministrja Emilia Rexhepi, ministrat Hekuran Murati, Rozeta Hajdari, Artane Rizvanolli, Faton Peci, Krasniqi, deputetë, si dhe përfaqësues të institucioneve ndezën qirinjtë.

Po ashtu qirinj ndezën edhe dhjetëra qytetarë të tjerë të cilët iu përgjigjen thirrjes së Qeverisë së Kosovës për homazhe për bashkatdhetarët që humbën jetën mëngjesin e së dielës.

Nga aksidenti tragjik në Kroaci ku 10 persona humbën jetën, mbi 40 u lënduan nga përmbysja e autobusit të kompanisë “Deva Tours”, i cili po udhëtonte nga Frankfurti drejt Prishtinës.