LIGJET E BIZNESIT
Forcat speciale të RENEA-s kanë arritur të gjejnë armën, me të cilën Mexhit Picari qëlloi për vdekje ish-dhëndrin e tij, dhe plagosi lehtë prokurorin Adriatik Cama. Mësohet se arma u gjet nga forcat e RENEA-s në lumin e Lanës.
Ngjarja
Vajza e autorit si dhe viktima ishin në proces divorci dhe sot çifti kishte seancën e pestë të divorcit, ku do të vendosej se kush do t’i mbante 3 fëmijët, teksa paraprakisht rrinin me viktimën.
Para një viti, viktima sipas Top Channel kishte kërkuar urdhër mbrojtjeje nga ish-vjehrri. Gjykata nuk e kishte pranuar kërkesën e tij për një urdhër mbrojtje, teksa ndihej ende i kërcënuar nga ish-vjehrri.
Djali i Kudret Saliajt, i cili mbeti i vdekur sot pranë Gjykatës së Tiranës ka qenë dëshmitar i ngjarjes. Ai ka përjetuar momente paniku, kur gjyshi i tij i vrau babanë para syve.
Dëshmitarët thonë se djali bërtiste me të madhe “baba baba”.
Bashkë me avokatin e viktimën, me ta kanë qenë një punonjëse sociale dhe djali i madh i çiftit pasi sot gjykata do të pyeste djalin më të madh të çiftit se me kë do të qëndronte.
Gazetarja Anila Hoxha tregon se viktima është qëlluar nga 8 plumba, ku 5 e kanë kapur atë.
Në një njoftim paraprak të policisë thuhet se ish-prokurori, ndodhet jashtë rrezikut për jetën dhe ndodhet në spitalin e Traumës në Tiranë, ku po merr edhe ndihmën nga mjekët.
