“Vini instancat në lëvizje” Kujtim Gjuzi i lexon Ballukut SMS që i ka ardhur në telefon dhe i bën kërkesën urgjente

Në seancën e sotme në Kuvend e cila ishte dhe e fundit për këtë sesion, u zhvillua një debat i ashpër mes deputetit të opozitës së re Kujtim Gjuzi dhe ministres së Infrastrukturës Belida Balluku.

Gjuzi iu drejtua ministres duke i thënë se i ka mbërritur një mesazh në telefon.

Sipas tij aty thuhej se IKMT ka shkatërruar rrugën e kishës në Kepin e Rodonit.

Kujtim Gjuzi: IKMT ka shkuar në kishën e Kepit të Rodonit dhe ka shkatërruar atje rrugën bashkë me krojet. Ky shqetësim sapo më ka mbërritur nga padre. Do t’ju lutesha të vinit instancat në lëvizje. Faleminderit që më dëgjoni shkëlqesi ministre.

Belinda Balluku: Nuk e dija që IKMT shkatërron rrugët. IKMT duhet të jetë duke prishur ndonjë objekt pa leje. Jam e bindur që kisha e Kepit të Rodonit do të jetë edhe më e bukur. IKMT nuk prish rrugët se s’ka si i prish.