LIGJET E BIZNESIT
Pas rishikimit që u bë në lidhje me heqjen e kufizimeve të përkohshme për udhëtimet drejt Bashkimit Europian, Këshilli i këtij institucioni publikoi listën e shteteve, rajoneve speciale administrative për të cilat duhet të zbatohen këto lehtësime.
Në të përfshihet dhe Shqipëria.
Këshilli rekomandon gjithashtu që lista të kontrollohet përsëri pas dy javësh dhe të azhurnohet sipas situatës.
Bazuar në kriteret dhe kushtet e përcaktuara në rekomandim, që nga 18 qershori 2021 vendet anëtare duhet të heqin gradualisht kufizimet e udhëtimit në kufijtë e jashtëm për banorët e vendeve të treta vijuese:
Shqipëria
Australia
Izrael
Japoni
Lebanon
Zelanda e re
Republika e Maqedonisë së Veriut
Rëanda
Serbia
Singapor
Korea e Jugut
Tailandë
SHBA
Kina,subjekt konfirmimi
Kufizimet e udhëtimit duhet gjithashtu të hiqen gradualisht për rajonet e veçanta administrative të Kinës Hong Kong dhe Makao.
Në kategorinë e entiteteve dhe autoriteteve territoriale që nuk njihen si shtete nga të paktën një shtet anëtar, kufizimet e udhëtimit për Tajvanin gjithashtu duhet të hiqen gradualisht. Banorët e Andorrës, Monakos, San Marinos dhe Vatikanit duhet të konsiderohen si banorë të BE-së. Kriteret për të përcaktuar vendet e treta për të cilat duhet të hiqet kufizimi aktual i udhëtimit u azhurnuan më 20 maj 2021.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Vendet e lidhura me Shengen (Islanda, Lichtenstein, Norvegjia, Zvicra) gjithashtu marrin pjesë në këtë rekomandim. Më 20 maj, Këshilli miratoi një rekomandim ndryshues për t’iu përgjigjur fushatave të vaksinimit duke lehtësuar kriteret për heqjen e kufizimeve për vendet e treta. Rekomandimi i Këshillit nuk është një instrument ligjërisht i detyrueshëm. Autoritetet e vendeve anëtare mbeten përgjegjëse për zbatimin e përmbajtjes së rekomandimit.
