Video/ Belgjikë – Danimarkë, loja ndalet në minutën e 10-ë në nder të Eriksen

Një gjest prekës është bërë në nder të Eriksen në ndeshjen Danimarkë – Belgjikë.

Futbollisti danez, pësoi arrest kardiak në ndeshjen debutuese ndaj Finlandës dhe për pak, u mendua se nuk mund të mbijetonte.

Kur po luhej minuta e 10 e takimit topi u largua nga fusha dhe tifozët, lojtarët dhe stafet e Kombëtareve filluan të duartrokasin në mbështetje të Christian Eriksen.

Kjo ishte si shenjë nderimi për atë çfarë mesfushori përjetoi dhe si një mesazh, që të gjithë mezi presin të rikthehet në fushën e lojës.