Një 43-vjeçare në Shtetet e Bashkuara të Amerikës është arrestuar nga policia, pasi akuzohet se ka varrosur nënën e saj 67-vjeçare në oborrin e shtëpisë.
Mediat e huaja shkruajnë se eshtrat e nënës u gjetën nga policia, pas një njoftimi paralajmërues, se në shtëpinë e 43-vjeçares ndodhej një trup i pajetë.
Gjatë hetimit nga policia gruaja, Melissa thuhet se ka pranuar se e varrosi mamanë e saj në oborrin e shtëpisë pasi e gjeti atë të vdekur në shtrat midis 31 majit dhe 1 qershorit.
Për ngjarjen ajo tha se e bëri këtë sepse nuk donte që nëna e saj të largohej nga ajo, apo t’i nënshtrohej një autopsie.
Melissa akuzohet për fshehje dhe vdekje të së ëmës, ndërkohë shkaku i vdekjes së 67-vjeçares nuk është përcaktuar ende.





