“U shtrimë përtokë” P lumbat në Tiranë përfunduan dhe brenda redaksisë së medias, tmerrohen gazetarët

Mesditën e sotme një krim i rëndë tronditi Tiranën.

Në afërsi të Gjykatës së Rrethit, Kudret Saliaj u vra nga ish-vjehrri i tij Mexhit Picari.

Ngjarja ndodhi  brenda një lokali të zonës.

Teksa autori po largohej nga vendngjarja kishte shtënë dhe disa herë në ajër.

Mësohet se disa nga plumbat kanë përfunduar në redaksinë e medias online dosja.al.

Zyrat e portalit ndodhen afër lokalit, madje në ambientet e brendshme ka arritur të depërtojë  dhe një plumb.

Kjo ka shkaktuar panik tek gazetarët që ishin të pranishëm gjatë ngjarjes së ndodhur, të cilët thanë se ishin shtrirë në tokë në momentin që konstatuan të shtëna.

Kryeredaktorja Fjona Graçi, u shpreh se kishte qenë e para që kishte konstatuar se po qëllohej me plumba dhe se menjëherë pas kësaj kishin njoftuar policinë. Ajo shtoi se në fillim menduan se do të kishte qenë një konflikt mes disa personave ndërsa më pas kishin kuptuar se kishte qenë një konflikt familjar personal.

“Isha unë e para që e pashë sesi çfarë kishte ndodhur. Të gjithë u shtrimë përtokë, kaluan disa minuta dhe kuptuam që kishte ndodhur një vrasje, më pas njoftuam policinë. Për ne është një gjë shumë e rëndë.

Drejtori ka qenë në kafe, nëse do kishte qenë i ulur në zyrë nuk do kishte shpëtuar dot pa u qëlluar nga plumbi. U kuptua që ishte armë pasi bëri dritë. Në fillim menduam se ishte konflikt mes disa personave, por më pas kuptuam që ishte një konflikt personal”, tha ajo për Fax News.