U arrestua më urdhër të SPAK/ Zbardhet vendimi, ja pse ra në pranga kryeprokurori i Kukësit

Sot kryeprokurori i Kukësit Edmond Karriqi, u arrestua me urdhër të SPAK.

Ndërkohë është zbardhur së fundmi vendimi dhe rezulton se mbi të rëndon akuza e “korrupsionit pasiv”.

Sipas organit të akuzës, janë mbledhur prova konkrete nga të cilat rezulton që Edmond Karriqi   ka kërkuar dhe ka marrë përfitime monetare të parregullta, me qëllim për të favorizuar disa persona nën hetim nga Prokuroria pranë Gjykatës së Shkallës së parë Kukës.

Po ashtu në pranga kanë rënë edhe Isuf Gega si dhe dy persona të tjerë, D.D dhe E.B si të dyshuar se kanë dhënë para ndaj prokurorit Kariqi.

Kujtojmë që Kariqi është prokurori që hetoi edhe çështjen e këngëtares Fjolla Morina, e cila u kap me armë në kufi. Nuk dihet nëse akuza ka lidhje me këtë çështje.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern