LIGJET E BIZNESIT
Ishte një e shtunë e zakonshme në Neë Hampshire kur një klient shumë i uritur hyri në një restorant, u ul në lokal dhe porositi për të ngrënë. Afërsisht dy hot dog, disa patate të skuqura, një Coca-Cola, birrë dhe pas ushqimit një tekila. Ai pagoi faturën e tij prej 37 dollarësh dhe më pas u largua, por jo para se të përfshinte një bakshish prej 16,000 dollarësh.
“Mos i shpenzo të gjitha paratë në një vend,” i bëri shaka konsumatori kamarierit, sipas Mike Zarella, i cili zotëron Stumble Inn Bar & Grill në Londonderry.
Kamarieri për momentin nuk e shikoi çekun ose nuk e vuri re bakshishin. ” Oh, Zoti im, jo, është thjesht një çmenduri”,” tha Zarella për CNN. “Vajzat shkuan tek ai dhe e falënderuan. Ata janë kaq të lumtur.”
Rreth një javë pasi klienti u largua, ai filloi të kthehej sërish rregullisht dhe Zarella pati rastin të fliste me të.
“Unë shkova dhe u ula me të, e falënderova dhe i thashë,” A je i sigurt? Në qoftë se ai do të kishte bërë gabim dhe do t’i kërkonte përsëri, ne do t’i kishim kthyer, por ai tha,” Jo, unë dua që ata t’i mbajnë ato para.”
Ndërsa tetë kamarierët të cilët punonin në turn mund të kishin ndarë me njëri-tjetrin, ata vendosën ta ndanin atë me katër anëtarët e stafit në kuzhinë. Shumë prej kamariereve, thanë se do të përdornin bakshishin për pushime verore që ndryshe nuk mund t’i përballonin, sipas Zarella.
