LIGJET E BIZNESIT
Një ngjarje tronditëse është regjistruar në Tiranë ku protagoniste janë nusja dhe vjeërra. Vjehrra ka ushtruar dhunë të vazhdueshme psikologjike ndaj nuses së djalit të saj. Një situatë e tillë ka agravuar deri në atë pikë sa ka bërë që e reja të tentojë vetëvrasjen. Vjehrra e arrestuar është identifikuar si shtetasja me inicialet M. K.
“Specialistët për Hetimin e Krimit në Komisariatin e Policisë Nr.6 bënë arrestimin në flagrancë të shtetases M. K.,pasi ka ushtruar dhunë psikologjike ndaj nuses së djalit, e cila si pasojë e dhunës psikologjike ka tentuar të dëmtojë veten e saj”, njofton policia.
Ndërkohë, një rast tjetër të dhunës në familje është regjistuar në Tiranë, kësaj herë burri ka dhunuar gruan e tij, e për pasojë është arrestuar.
“Nga specialistët për Hetimin e Krimit në Komisariatin e Policisë Nr.1 u bë arrestimi në flagrancë i shtetasit F. H., 43 vjeç, pasi ka ushtruar dhunë fizike dhe psikologjike ndaj bashkëshortes së tij”, thuhet në njoftim.
