Tjetër ngjarje e rëndë/ Sherr mes 2 taksistëve në Sarandë, 32-vjeçari i pret me sëpatë tendinat e gishtave të riut

Ngjarjet e rënda në vend nuk paskan fund ditën e sotme.

Një i ri ka mbetur i plagosur me sëpatë në Sarandë, pas një sherri mes dy taksistëve në rrugën Turizëm-Kanali i Çukës pasditen e djeshme.

24-vjeçari Ismiraldo Hoxha, është plagosur rëndë me sëpatë në shesh pushimin e taksive.

Sipas informacioneve nga bluzat e bardha, atij i janë prerë tendinat e gishtave të dorës dhe është nisur me urgjence në spitalin e Traumës në Tirane.

Policia ka arrestuar autorin Bilal Lamçe, 32 vjeç, banues i përkohshëm në Sarandë. Shkak për ngjarjen është bërë një konflikt për motive të dobëta lidhur me klientelën pasi viktima punon taksist i licencuar ndërsa autori i palicencuar. Ky i fundit prej vitesh është i punësuar si picier në një biznes privat.