Tiranë/ Kishte dalë me dy fëmijët për të lypur. Kalimtari çmendet, dhunon dhe bën për spital gruan

Një ngjarje e rëndë ka ndodhur në Rrugën e Kavajës, pranë xhamisë ‘Dine Hoxha’. ku një kalimtar ka dhunuar një grua.

Sipas qytetarëve në vendngjarje një kalimtar i rastit ka dhunuar dhe bërë për spital një grua, e cila kishte dalë bashkë me dy fëmijët e saj të mitur për të lypur.

Nuk dihen rrethanat se si ka ndodhur ngjarja, ndërsa kanë ndërhyrë qytetarët e rastit për të ndalur burrin nga veprimi i dhunshëm.

Fill pas kësaj ata njoftuan policinë dhe ambulancën, e cila transportoi nënën e dy fëmijëve në spital.