“Të q**** mamanë shqiptare” Fyeu rëndë futbollistin e njohur, UEFA merr vendimin për Marko Arnautoviç

Një incident i rëndë u shënua në Kampionatin Europian pak ditë më parë gjatë ndeshjes Austri-Maqedoni e Veriut.

Futbollisti i Austrisë Marko Arnautoviç ofendoi rëndë lojtarin shqiptar të Maqedonisë së Veriut Ezgjan Alioski.

Në ato momente nuk është se u kuptua çfarë ndodhi dhe kërkoi falje.

Por mesa duket kjo gjë nuk do të kalojë aq lehtë, të paktën nga UEFA.

Institucioni më i lartë i futbollit në Europë ka bërë të ditur se ka nisur një hetim disiplinor ndaj sulmuesit. “Një inspektor etik dhe i disiplinës është emëruar për të zhvilluar një hetim në lidhje me çështjen në të cilën është përfshirë lojtari”.

Ndërkohë, Federata e Maqedonisë së Veriut bëri të ditur se i ka dërguar një letër UEFA-s, ku kërkohet dënimi ndaj futbollistit. “Jemi kundër nacionalizmit, diskriminimit dhe të gjitha formave të tjera të ofendimeve që nuk kanë të bëjnë me futbollin. Dënojmë shfryrjen nacionaliste që bëri Arnautovic ndaj Alioskit”.

“Të q**** mamanë shqiptare”, ishin fjalët e pista të nxjerra nga goja e Arnautoviç, drejtuar Alioskit, në momentin e shënimit të golit të tretë në minutën e 89-të. Në lidhje me këtë incident ka folur vetë Alioski, i cili në një prononcim për “Supersport” ndër të tjera deklaroi:

“Në ndeshje të tilla është normale që lojtarët të përjetojnë tension dhe të dalin nga kontrolli, por më e bukura është kur në fund sqarohet gjithçka dhe pajtohesh. Unë me Arnautoviç folëm pas ndeshjes dhe u sqaruam, pasi më kërkoi ndjesë dhe erdhi edhe në dhomën tonë e më dha dorën, duke u treguar shumë fair.

Nuk e kam dëgjuar çfarë ka thënë, pasi po festonin tifozët, por folëm në gjermanisht pas ndeshjes dhe u pajtuam pas ndeshjes. Është diçka që ndodh, pasi në ndeshje të kapin emocionet në ndeshje, por më e mira është kur sqarohet gjithçka”, deklaroi Alioski.