“Të marrë fund ky model i politikës” PD kërkon arrestimin e kryebashkiakut socialist

Pas incidentit që përfshiu kryetarin e Bashkisë së Lezhës Pjerin Ndreu me disa efektivë policie, ka folur dhe sekretari i Përgjithshëm i Partisë Demokratike.

Ai theksoi se Ndreu duhet të jetë në burg jo mbi ligjin, sepse sipas tij në Dosjen 184 “fluturonte” mësuesit nga puna me urdhër partie.

“Pjerin Ndreu nuk duhet të jetë mbi ligjin, Pjerin Ndreu duhet jetë në burg sepse është i njëjti që në Dosjen 184 “fluturonte” mësuesit nga puna me urdhër partie dhe sot sulmon dhe fyen policinë.

Deliri tij është produkt i paligjshmërisë mbi të cilën ngrihet pushteti i korruptuar i regjimit Rama-Doshi: Vjedhja e zgjedhjeve! Ata nuk përfaqësojnë qytetarët, por interesat e krimit me të cilin masakrojnë zgjedhjet dhe vjedhin vullnetin e shumicës për ndryshim.

Që arroganca ndaj qytetarëve dhe institucioneve të ndalojë, që ankthi dhe pasiguria të mos mbretërojnë në familjet shqiptare, duhet marrë fund modeli i politikës të lidhur me krimin”, shkruan Bardhi.