LIGJET E BIZNESIT
Partia Demokratike ndodhet në prag të procesit për zgjedhjen e kryetarit. Për ministren e Shtetit, Elisa Spiropali nuk do të ketë asnjë surprizë, pasi do të zgjidhet sërish Lulzim Basha, teksa e lidh atë më zgjedhjet e mëparshme në partinë më të madhe të opozitës.
Në Top Channel, ministrja Spiropali zbuloi më tej edhe detajet mbi ofertën e kryeministrit Edi Rama në adresë të opozitës.
“Nuk kemi asnjë tabu mbi këtë temë, nuk kemi asnjë skemë. Skemën duhet ta vendosim bashkërisht në një tryezë. Kryeministri e ka deklaruar nuk kemi asnjë problem as me propozimin e tyre. Jemi të gatshëm të ulemi të disuktojmë me të gjithë mundësitë, përfshirë edhe propozimin edhe nga PD-ja për presidentin. Do të ishte proces shumë shërues në procesin tonë toksik në politikën shqiptare”, u shpreh Spiropali.
Sipas saj, pas vendimit të Parlamentit për shkarkimin e Ilir Metës duhet të pritet vendimi i Gjykatës Kushtetuese dhe se PS-ja dhe PD-ja duhen të ulen në një tryezë për zgjedhjen e presidentit, në qoftë se gjykata e quan të drejtë vendimin e Parlamentit për largimin e Metës.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
