LIGJET E BIZNESIT
Identifikohet personi që mbeti i vrarë nga të shtënat me armë zjarri pak minuta më parë në zonën e ish-ekspozitës në Tiranë.
Mësohet se ai është Kudret Saliaj dhe është qëlluar me 5 plumba.
Sipas dyshimeve të para, autor është shtetasi Mexhit Picari, ish-vjehrri i viktimës dhe ngjarja ka ardhur për shkak të konflikteve familjare.
Sot në mesditë viktima kishte seancën e 5 të gjyqit të divorcit, ndërkohë që çështja në fjalë ishte duke u shqyrtuar nga gjyqtarja Irena Plaku.
I plagosur në këtë ngjarje të rëndë që ndodhi në një nga zonat më të popullura të kryeqytetit është dhe ish-prokurori Adriatik Cama, gjendja e të cilit është jashtë rrezikut për jetën, ndërkohë që i është nënshtruar një ndërhyrje kirurgjikale për heqjen e plumbit, që e kishte marrë në zonën e barkut.
NJOFTIMI ZYRTAR I POLICISE
Rreth orës 11:50, në bulevardin “Gjergj Fishta” dyshohet se shtetasi M. P. ka vrarë me armë zjarri shtetasin K. S. ( ish-bashkëshortin e vajzës) dhe si pasojë e të shtënave është plagosur dhe shtetasi A. C., i cili ndodhet jashtë rrezikut për jetën.
Shërbimet e Policisë vijojnë krehjen e zonës për kapjen e autorit të dyshuar, shtetasi M. P.
Janë ngritur pika kontrolli në hyrje dhe dalje të qytetit të Tiranës.
Grupi hetimor, në bashkëpunim me Prokurorinë, po punon për sqarimin e rrethanave të ngjarjes.
