“Shpifës ordiner” Alfred Peza i përgjigjet Adriatik Llallës: Nuk e kisha menduar kurrë se do vinte dhe kjo ditë

Gazetari dhe ish-deputeti i PS Alfred Peza i është përgjigjur akuzave të ish-kryeprokurorit Adriatik Llalla.

Ky i fundit e quajti Pezën “shpifës ordiner” dhe tha se DASH e ka shpallur “non-grata” pas shkrimit të tij për ish-kryeprokurorin.

“Ai momenti kur zgjohesh me komplimenta te nje tjeter niveli nga Adriatik Llalla. Faleminderit shume! Nuk e kisha menduar kurrë se do vinte edhe kjo dite!”, shkruan analisti Alfred Peza, duke ndarë dhe vetë artikullin me deklaratën e Adriatik Llallës.

“Emrin e tij nuk dua të përmend e as të dëgjoj. Bëhet fjalë për një shpifës ordiner i cili gjatë gjithë këtyre viteve është marrë personalisht me mua dhe familjen time, duke shpifur, aluduar histori nga më të paimagjinueshmet”, tha Llalla dje në mbrëmje për analistin dhe sekretarin në PS.