Sekuestrohet hero inë me vlerë 90 mln euro në Greqi, shqiptari dhe turku në pranga

Mbi 23 kg heroinë, me origjinë nga Turqia, janë kapur në Doganën e Selanikut, dhe në pranga ka rënë një shtetas turk, 50 vjeç, dhe një shqiptar, 43 vjeç.

Këta të fundit dyshohet se janë anëtarë të bande ndërkombëtare të trafikut të heroinës.

Sipas llogaritjeve, pas papastërtive heroina do të katërfishohej, duke kapur një vlerë prej 90 milionë eurosh, nëse shitej në treg.

Operacioni për arrestimin e tyre është kryer në autostradën Selanik-Athinë. 50-vjeçari ka transportuar me kamion ngarkesën ilegale, të cilën e ka importuar përmes Doganave të Kopshteve, në Evros.

Lëvizjet e tyre janë monitoruar nga policia, e cila ka ndërhyrë, duke ndaluar makinën e drejtuar nga shqiptari, të ngarkuar me drogë, ndërsa në të njëjtën kohë është arrestuar edhe i bashkëpunëtori i tij 50-vjeçar.