“S’e dija që babai do ta vr iste”/ Dhurata Saliaj kërkon mëshirë para gjykatës, qan me ngashërim

Zbardhet dëshmia e Dhurata Saliajt, që akuzohet se ka bashkëpunuar me babain e saj për të vrarë Kudret Saliajn.

33-vjeçarja ka mohuar se ka bashkëpunuar me të atin, Mexhit Picarin për vrasjen e babait të tre fëmijëve të saj.

Mediat kanë siguruar dëshminë e Saliajt. Ajo tha se në qoftë se do kishte dijeni për vrasjen, nuk do e kishte lejuar babain e saj që të kryente vrasjen. Midis të tjerash Dhurata Saliaj ka kërkuar mëshirë.

“Nuk e dija qe babi do bënte vrasje. Nuk do ta lejoja. Kudreti ishte babai i tre fëmijëve.  Kërkoj mëshirë nga gjykata, pasi kam tre fëmijë.”, tha ajo para togave të zeza.

Ndërkohë, prokurori i çështjes i është kundërvënë deklaratës së babait dhe vajzës. Sipas tij, Dhurata Saliaj ishte bashkëpunëtore në krim për vrasjen e burrit të saj.

Përmendim faktin se nëna e 3 fëmijëve ka qenë e dënuar me herët me 2 vite burg për ‘dhunë në familje’.

Mësohet se ditën e sotme, teksa i është dhënë masa e sigurisë, ajo ka qarë me ngashërim.