“Pse nuk u shesim dhe raketa?!” Gazetarja turke ironizon qeverinë shqiptare për dronët

Vendimin e qeverisë shqiptare për të blerë dronë nga Turqia, e ka komentuar dhe gazetarja turke Sirin Payzin.

Kjo e fundit ngre pyetjen ironike se:  Kundër kujt do t’i përdorin dronët shqiptarët?!

Gjithashtu Payzin vijon me të njëjtën sarkazëm dhe në një postim tjetër ku shkruan:  “Pse nuk u shesim (shqiptarëve) edhe raketa S-400?”

Kujtojmë se vetëm pak kohë më parë, kryeministri Edi Rama dhe ministri i Brendshëm Blendi Çuçi shpalosën planin e përforcimit të Policisë së Shtetit me dronë superinteligjentë në mbështetje të punës për kontrollin e territorit dhe akseve rrugore.

Gazeta pro qeveritare turke “Yeni Safak” ka publikuar ditën e sotme një shkrim, sipas të cilit Shqipëria ka ndarë një buxhet prej 8 milion eurosh me qëllim blerjen e disa dronëve të paarmatosur nga Turqia.