LIGJET E BIZNESIT
Në mjediset e Selisë së Shenjtë Bektashiane këtë mbasdite u promovua libri “Dede Edmond Brahimaj, 10 vite Kryegjysh Botëror i Bektashizmit”, i autorëve të njohur Kujtim Boriçi dhe Nuri Çuni.
“Me zgjedhjen e tij në këtë detyrë, Baba Mondi ka mishëruar vlerat më të larta të besimit bektashian duke rimarrë, nxjerrë në dritë si dhe pasuruar traditat më të mira bektashiane”, – tha një ndër autorët e librit.
Libri mund të cilësohet si një libër udhëtim në ringjalljen e Bektashizmit pas viteve 1990 në vendin tonë, në sfidat, vështirësitë dhe nxjerrjen në pah të vlerave universale të Bektashizmit të mishëruara në personalitetet e Haxhi Dede Reshat Bardhit dhe Haxhi Dede Edmond Brahimaj, të cilët udhëhoqën ringjalljen e Bektashizmit në vendin tone.
Po ashtu, është publikuar edhe albumi fotografik nën kujdesin e Selisë së Shenjtë, kushtuar ish Kryegjyshit Botëror Bektashian, Haxhi Dede Reshat Bardhi.
