Prekëse/ Shkodra i jep lamtumirën 20-vjeçarit që që u vra në Velipojë, kamarierët bëjnë gjestin e madh për Musaen Zenelin

Ditën e sotme Shkodra i dha lamtumirën 20 vjeçarit Musaen Zeneli, i cili humbi jetën gjatë konfliktit për plazhin mes dy bizneseve në Velipojë.

Familjarët nuk kanë pranuar të komentojnë ngjarjen e rëndë dhe kanë kërkuar privatësi në ceremoninë e përcjelljes për në banesën e fundit.

Ndërkohë historia prekëse e të riut jetim, i cili humbi jetën ditën e parë të punës ka ngjallur reagime të forta, duke u nisur dhe nga vështirësitë ekonomike me të cilat ishte rritur dhe jetonte.

Për tu ardhur në ndihmë, në Shkodër ka nisur një fushatë që sot të gjitha fitimet e kamarierëve të shkojnë për familjen e 20 vjeçarit.

Nismëtar është Rehyl Toska, i cili punon si kamarier në kryeqendrën e veriut.