Policia pajis 32-vjeçarin me antiplumb nga frika se mos e vr asin (VIDEO)

Piloti 32-vjeçar Babis Anagnostopoulos pranoi mbrëmjen e kaluar vrrasjen e bashkëshortes së tij, Caroline Krouts. Ngjarja u regjistrua mbrëmjen e 11 majit pas debateve që kishin pasur së fundmi.

Në dëshminë e dhënë ai tha se e vrau sepse ajo kishte deklaruar se do të merrte fëmijën dhe do ta linte.

Ditën e sotme ai u shfaq me pranga në duar, kokën ulur dhe i veshur me jelek anti-plumb, teksa është shoqëruar pasditen e sotme nga forca të shumta sigurie në zyrën e prokurorit për të ekzekutuar urdhrin kundër tij dhe më pas u paraqit para hetuesit.

Mbrëmjen e kaluar, mediatt greke “gëlonin” nga lajmet për vrasësin e 20-vjeçares britanike, ku u hodh dritë, pasi bashkëshorti pranoi se kishte kryer ai krimin e rëndë.

Një situatë e tillë, shkaktoi zemërimin e egër të qytetarëve, që dënonin aktin makabër të të riut, madje duke thënë se 32-vjeçari meritonte të vritej.

Marrë shkas nga kjo dhe në të tilla raste, kur urrejtja për një të dënuar i kalon caqet, oficerët e policisë e pajisën pilotin me jelekun anti-plumb, teksa ai do të dërgohej në Prokurori, nga frika e ndonjë atentati.