LIGJET E BIZNESIT
Dalin detaje të reja nga arrestimi i Edison Begajt, pas një aksioni që zhvilloi RENEA tre ditë më parë në Vlorë.
Xhaxhai i Begajt, ka deklaruar se policia dështoi që ta mbronte, ndërsa arma që iu gjet ishte për vetëmbrojtje.
Ai tregon se Begaj nuk ka bërë asnjë krim, dhe se tashmë dy fëmijët e tij të mitur janë lënë rrugëve, për shkak se prindërit u janë ndarë disa kohë më parë.
“Gjithcka ishte tendencioze. Policia nuk e mbrojti dot, u plagos me 9 plumba në sy të fëmijëve. Armë e kishte për vetëmbrojtje. Policia ka qenë tendencioze, nëndrejtori erdhi te biznesi dhe bëri me shenjë për të arrestuar Edisonin.
Edisoni nuk ka bërë krim, po mbronte jetën e tij, ndërkohë që atentatori i tij endet i lirë. Atentatori ishte veshur si Polic, u gjet veshja, u gjet, makina, u gjet arma por jo autori. Edisoni ka lënë dy fëmijët e mitur rrugëve”, shprehet xhaxhai i Begajt.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në 29 maj, ndaj Edison Begajt iu bë atentat në hyrje të shtëpisë së tij në Kaninë, ku prezent ishin edhe dy fëmijë të mitur 6 dhe 7 vjeç. Në atentat Begaj u plagos me 9 plumba, ndërsa pas ngjarjes policia sekuestroi pamjet, u gjet makina e atentatorëve dhe veshja e atentatorit. Atentatori ishte i veshur si Polic, dhe ishte pa maskë.
Policia ende nuk e ka ndaluar dhe sipas bluve as identifikuar autorin.
Megjithatë arrestimi i Edison Begqj, me bujë në mes të shëtitores Lungomare, në ambientet e lokalit të tij, kanë sjellë reagimin e familjarëve të Begaj të cilët akuzojnë policinë se ka pas direktiva dhe tendenca për të arrestuar Begajn.
Kush është Edison Begaj?
Edison Begaj, babai i dy fëmijëve të mitur, njëri prej djemve me probleme shëndetësore. Administrator i një Gelaterie në Vlorë. I divorcuar nga bashkëshortja dhe prind i vetëm në rritjen e fëmijëve.
Nëna e Begaj ka tre muaj që ka ndërruar jetë, babai i Edison Begaj prej dy vitesh ndodhet në gjendje të rëndë shëndetësore pasi u rrëzua nga një pemë ulliri.
Arrestimi i Begaj, fëmijët kanë mbetur pa kujdestar, ndërsa këto ditë janë shokë të Begajt të cilët po kujdesen për fëmijët.
