Pogradec/ Makina përplas fëmijën, përfundon në spital

Një aksident ka ndodhur në Pogradec, ku është aksidentuar një 11-vjeçar, pranë vendit të quajtur “Guri i Kuq”.

Policia bën me dije se shtetasi me inicialet F. C., 45 vjeç, duke drejtuar automjetin tip “Hyundai”, ka aksidentuar këmbësorin J. H., 11 vjeç, banues në fshatin Memëlisht, Pogradec, i cili ndodhet në Spital nën kujdesin e mjekëve.

Drejtuesi i mjetit ndodhet i shoqëruar për veprime të mëtejshme procedurale. Grupi hetimor po punon për zbardhjen e rrethanave të aksidentit.