Plas sherri mes kushërinjve, njëri prej tyre qëllon me pushkë

Një sherr midis dy kushërinjve ka degjeneruar në përdorimin e armës së zjarrit. Ngjarja ndodhi në fshatin Pogdorie, në Maliq.

Sipas të dhënave paraprake, bëhet me dije se fillimisht konflikti ka nisur verbalisht, e më pas njëri prej tyre ka qëlluar me pushkë. Për fat të mirë, nuk ka pasur asnjë të plagosur.

Autori Ervin Gura u arrestua menjëherë nga policia ndërkohë që po vijojnë hetimet për ngjarjen.

Bëhet me dije po ashtu se kushërinjtë janë konfliktuar për motive të dobëta dhe ngjarja ka ndodhur afër banesës së autorit.