Prej kohësh dy vëllezër nga Lushnja janë në konflikt me njëri-tjetrin.
Një prej tyre, Eduardi ka marrë një kredi prej 15 milionë lekësh në vitin 2008 për vëllain e tij Gramozin, i cili kishte një biznes të gjësë së gjallë.
Por për disa arsye, kredia ende nuk është paguar dhe ka shkuar tani rreth 30 milionë lekë.
Gjatë seancës së ndërmjetësimit në “Shihemi në Gjyq” tek E Diela Shqiptare, Eduardi i kërkoi vëllai të tij Gramozit që të paguajë lekët e kredisë sepse banka po e shqetëson atë dhe se mund t’ia marrë të gjitha pronat që ka.
Në një moment në studio situata degradoi, ku të dy vëllezërit hoqën rripat e pantallonave për të gjuajtur njëri-tjetrin. Edhe fjalori i tyre degradoi dhe dy vëllezërit u ofenduan me fjalë banale.
Në moment ka hyrë stafi i emisionit që i ka ndarë nga sherri, duke shmangur kështu çdo pasojë tjetër.
Pjesë nga biseda:
Eni Çobani: Ja të tilla janë debatet të cilat degjenerojnë më pas në të tilla reagime që nuk janë normale, as etike, kërkoj ndjesë për këtë situatë të përkeqësuar.
Eduardi: Ma shkatërrove familjen, ma shkatërrove…
Eni Çobani: Nuk është forma e duhur me të cilën ju duhet të komunikoni, jeni vëllezër, ju lutem.
Eduardi: Ik se nuk është vëlla ky palaço.
Eni Çobani: Zoti Gramoz, ju jeni njeriu i cili në një formë apo në një tjetër e keni sjellë këtë shqetësim. E kuptoj që dhe juve iu janë bërë shumë probleme gjatë jetës, por ky borxh duhet larë dhe do ju lutesha shumë që të na jepnit zgjidhjen.
