“Peshku qelbet nga koka” Rama në konferencë, reagon Basha: Punonjësit e ndershëm janë tradhëtuar

Pas konferencës së jashtëzakonshme që mbajti kryeministri Edi Rama në lidhje me ngjarjet kriminale që tronditën vendin tonë ditët e fundit, ka reaguar “flakë për flakë” dhe kryetari i Partisë Demokratike Lulzim Basha.

Ai shprehet se fajtori kryesor për këtë situatë është vetë Rama.

“Punonjësit e ndershëm të policisë janë të tradhtuar nga regjimi Rama-Doshi. Kur vjen në pushtet me krimin, policia përdoret si vegël për të mbrojtur lidhjet e pushtetit me krimin.

Pasojat e këtij modeli që sundon vendin i vuajnë qytetarët, fëmijët dhe familjet shqiptare. Zgjidhja është prerja e lidhjeve të pushtetit me krimin. Prandaj fajtori ishte sot pa përgjigje. Peshku qelbet nga koka!”, shkruan Basha.