“Përsëriten rrahjet nëpër studio”, fqinjët përplasen ashpër për rrugën e kalimit: Ç’po ndodh në studio?  

Duket se rrahjet nëpër studio tanimë janë bërë një fenomen i zakonshëm “Shihemi në Gjyq” në “E Diela Shqiptare” në Tv Klan ka sjellë ditën e sotme një puntatë në të cilën bëhet fjalë për një konflikt disa vjeçar mes dy fqinjëve, Fatbardhit dhe Krenarit. Pas apelimit të çështjes së vijës së kalimit dhe fitimit të pjesshëm të saj nga ana e Krenarit, dosja ka kaluar në Zyrën e Përmbarimit.

Zyra Përmbarimore ka vendosur që të prishë murin e ndërtuar nga Fatbardhi. Pikërisht  këtu nis edhe problemi. Muri është prishur, mirëpo nuk është hequr dera dhe kjo sjell vazhdimin e konfliktit. Është pikërisht kjo derë e cila është vendosur nga Fatbardhi, në truallin që ai pretendon se është i tiji që nuk e lejon Krenarin të kalojë, prandaj mbetet në dëshirën e tij nëse do ta heqë derën apo jo.

Eni Çobani: “Po s’u hoq dera” thotë Krenari dhe unë këtë dua të diskutoj tani me Krenarin, “unë nuk hyj”. Tani, çfarë mjeti keni ju që e keni provuar që nuk hyni dot? Ke mjet që hyn dhe del? Besoj që ke një mjet. Ka mjet zotëria, Bardhi?

Fatbardhi: Ka një mjet me katër këmbë.

Eni Çobani: Çfarë ka?

Fatbardhi: Ka një mjet me katër këmbë.

Eni Çobani: Me katër këmbë?

Fatbardhi: Një gomar.

Krenari: Po gomar je ti, si ai je.

Fatbardhi: Ja mjeti ku është te porta e këtij ka vajtur, nuk hyn në dhomë. Traktori është imi.

Krenari: Ekspertiza më ka nxjerrë pa rrugë.

Eni Çobani: Me çfarë i çon produktet në shtëpi?

Krenari: Furgoni nuk m’i sjell dot ullinjtë në shtëpi. Kam makinën e djalit, por e lë në rrugën kryesore.

Fatbardhi: Zoti Ardit, kjo porta këtu është hapur 48 orë që ka hedhur soletën ai (merr fotografinë e shtëpisë).

Ardit Gjebrea: Ma jep pak ta shoh dhe ta drejtojmë nga kamera. Për cilën portë po flasim, për këtë këtu?

Fatbardhi: Kjo është porta ime (tregon me gisht në fotografi). Është hapur 48 orë që është futur saurreli me zhavorr që ka hedhur soletën.

Ardit Gjebrea: Ku është shtëpia jote?

Fatbardhi: Kjo është.

Ardit Gjebrea: Kjo është shtëpia dhe kjo është porta. Kjo porta për çfarë e pengon zotërinë?

Fatbardhi: I zë veshët.

Fatkeqësisht, midis dy fqinjëve nuk u arrit një marrëveshje ndërmjetësimi dhe vetë Eni Çobani premtoi të merrej vetë me çështjen e tyre për të gjetur një zgjidhje.