Pastrim parash në Shqipëri, italianët kryen 35 transferta me vlerë 400 mijë euro me kompanitë e call center-ave

Tre shtetas italianë dhe kompanitë e tyre të cilët operojnë në fushën e call center dhe telekomunikacionit në Shqipëri, u dorëzuan nga prokuroria si të pandehur në dhomën penale të gjykatës së Tiranës.

Dosja që disponon Top Channel tregon se Paolo Polombo, 23 vjeç, Salvadore Solazo 28 vjeç dhe Rosario Lazarin 43 vjeç bashkë me shoqëritë media future, Soft Log dhe Im data u referuan për hetime të mëtejshme nga drejtoria kundër pastrimit të parave, nën dyshimet se nëpërmjet tyre po pastroheshin të ardhura nga krimi.

Italianët rezultojnë që të kenë udhëtuar në drejtim të Shqipërisë vetëm tre herë konkretisht në 3 korrik 2018, prill dhe korrik 2019, kurse për çdo veprime bankare të tre subjekteve ata autorizuan një shtetas shqiptar.

Flamuri i kuq u ngrit pas gjurmimit të 35 transfertave me vlerë rreth 400 mije euro , ku dy nga këto transaksione me faturën e 34 mije euro dhe 14 mije euro ishin dërguar nga Nigeria.

Mirëpo, dokumentacioni i mëpasshëm provoi se transfertat disa milionëshe ishin kryer sipas marrëveshjeve të marketingut me kompanitë Moorëand në Belgjikë , Vogue Web Solution dhe Flutter ëave në Nigeri.

Megjithë vendosjen nën hetim të italianëve, një shtetas shqiptar i cili tërheq shumat dhe ua dërgon italianëve nuk dha jep asnjë detaj për ta.

Dëshmitari: Mua më humbën të gjitha kontaktet, këta shtetas u zhdukën nga jeta ime në mënyrë të papritur.

Në përfundim të kërkimeve, eksperti thotë prokurorisë se italianët u janë shmangur detyrimeve duke mos dorëzuar asnjë bilanc dhe duke mos paguar detyrimet.