Parashikimi i motit, e mërkurë 30 qershor 2021

Sipas MeteoAlb: Vendi ynë në orët e para të ditës do të mbetet në dominimin e kthjellimeve por në orët vijuese vranësirat kalimtare do të shfaqen në një pjesë të mirë të territorit, ku më të dukshme do të jenë në zonat malore ndërsa zona bregdetare vijon të jetë me kthjellime.

Temperaturat e ajrit do të rriten në mëngjes, por mbeten konstante në mesditë duke luhatur vlerat ditore nga 18°C deri në 39°C.

Era do të fryjë e lehtë në tokë dhe mesatare në det me shpejtësi 45 km/h nga drejtimi Jugor duke krijuar dallgëzim deri në 4 ballë.