“Pandemia ka mbaruar” Ja kush është shteti i parë në Europë që fiton betejën me virusin

Një lajm shumë i mirë vjen së fundmi nga Norvegjia.

Mësohet se ky shtet e ka hedhur pas krahëve periudhën e C OVID19.

Sipas shefit të Infektivit në Institutin norvegjez të Shëndetit Publik, Preben Aavitsland, pandemia ka mbaruar.

Ai ka publikuar një grafik ku tregon nivelin e ulët të shtrimeve në spitalet norvegjeze gjatë muajve të fundit. Sipas autoriteteve shëndetësore, Norvegjia me 5,5 milionë banorë ka regjistruar 785 viktima nga koronavirusi, shifër shumë e ulët krahasuar me vende të tjera që kanë pothuajse të njëjtin numër banorësh.

Aavitsland shpjegoi për gazetën “VG” se Norvegjia mund të thotë se i ka dhënë fund pandemisë dhe se duhet të përgatitet për një jetë ku “Covid-19 do të zërë shumë pak vend”.

Por, i dërguari i OBSH-së për pandeminë, David Nabarro, tha këtë javë se njerëzimi “duhet të mësojë të bashkëjetojë me virusin”, pasi, sipas tij, “çrrënjosja e koronavirusit nuk është objektiv i arsyeshëm për botën”.

Për këtë arsye, Aavitsland e shpjegoi më tej deklaratën e tij: “Është si zjarri në pyll. Pasi shuhet zjarri, banesat dhe njerëzit nuk janë më të rrezikuara. Por, ka vatra të vogla që mund të rindizen dhe për këtë arsye duhet të kemi kujdes”.