Olti Curri flet për herë të parë për ‘sherrin’ me Arbana Osmanin. Kë dëshiron në krye të ‘Big Brother VIP’?

Olti Curri ka folur një herë e mirë rreth thashethemeve që dolën vite më parë se ka pasur një konflikt me Arbana Osmanin. Kur ‘Big Brother’ transmetohej në vendin tonë, u tha në media se Olti nuk u zgjodh opinionist në “Big brother”, pra gjatë të shtunës kur transmetohej emisioni, pasi ka patur një konflikt mes tij dhe Arbanës.

Dy protagonistët nuk kanë folur asnjëherë rreth këtyre zërave, e vetëm ditën e sotme Olti ka sqaruar një herë e mirë se çfarë ka ndodhur mes tyre. I ftuar në “Pardon my french” në Top Albania Radio, Olti tregoi:

“Unë nuk kam folur personalisht me Arbanën për këtë çështje. Në periudhën kur ishte Rezart Aga autor, më tha: “Të kam propozuar për të shtunën në darkë, por nuk pranon Arbana Osmani.” Dhe unë kam diçka se nuk pyes pse nuk më do apo si është e vërteta. Unë flas me Arbanën nuk e di pse nuk e kam pyetur. E lashë atë sepse kisha bërë dy edicione në “Fans’ club” dhe çdo gjë po shkonte shumë mirë. Më pas më erdhi ftesa edhe nga presidentja e televizionit, Vjollca Hoxha, por unë vazhdova të qëndroj në “Fans’ Club” mes shumë falenderimeve. Vendosa të mbetem aty dhe t’i jem besnik atij emisioni.”

I pyetur se çfarë mendimi ka për faktin se drejtimi i “Big brother VIP” i është besuar Arbanës, ndonëse nuk ka ende një konfirmim zyrtar prej saj, Olti shprehu vlerësimet maksimale.

“Shumë mirë! Është shumë mirë Arbana! I përshtatet më shumë këtij formati se Luanës(që u përfol gjatë në media se mund të prezantonte këtë format). “Big brother” do dikë që ka kaluar personazhet e njohur, ka bërë intervista, njeh situatat familjare. Aq më pak “Big brother VIP” që është shumë më i vështirë sepse VIP-at e njohin fuqinë e medias dhe personazhit. Kështu që Arbana është OK.”/dosja