Oborri i hotelit kthehet në skenë krimi/ Si sherri për shezlongët përfundoi në vrasje. Ferracakët shkuan për sqarim te Gocajt, e pësoi edhe punonjësi 20-vjeçar

Sherri për disa metra territor plazh në Velipojë i mori jetën 4 personave, ndërsa 2  të tjerë mbetën të plagosur, duke tronditur të gjithë vendin pak pas mesnate.

Kujtim Ferracaku 59-vjeç, Xhovani Gocaj 25-vjeç, Edmond Gocaj 38-vjeç dhe Myzerim Zeneli, punonjës, vetëm 20 vjeç mbeten të vdekur, ndërkohë që vëllai i Kujtim Ferracakut, 54-vjeçari Hasan Ferracaku dhe një 17-vjeçari Elmilind Dyli, kanë marrë plagë në trup dhe ndodhen në spital nën kujdesin e mjekëve.

Familjet Ferracaku dhe Gocaj janë të dyja të njohura në Shkodër dhe bizneset e tyre ndodheshin vetëm 50 metra larg njëri-tjetrit.

Ferracaku, pronar i Hotel ‘Fantazia’ u përplas me armë me vëllezërit Gocaj, pronarë të hotelit ‘Gocaj’ për shezllonët.

Kanë qënë anëtarët e familjes Ferracaku që shkuan pas mesnate në hotelin ‘Gocaj’, por nuk dihet nëse dy familjet kanë pasur ndonjë konflikt tjetër të mëparshëm mes tyre.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Drejtori i Policisë Shkodër, Niko Brahimaj tha se do të ketë arrestime e po ashtu dhe persona që do të shpallen në kërkim.

Ndërkohë pushuesit janë larguar mëngjesin e sotëm nga zona, pasi janë shfaqur të tmerruar nga ajo që kanë dëgjuar dhe nga krismat e armëve.