“Nuk vlerësohet puna dhe aftësia” Agron Shehaj bën akuzën e fortë për demokratët: Por servilizmi dhe bindja e verbër

Biznesmeni Agron Shehaj konkuron në zgjedhjet e brendshme të 13 qershorit në PD për të marrë postin e kryetarit.

Ndërkohë sot ai ka lëshuar akuza të forta për demokratët, pasi shprehet se në parti vlerësohet vetëm servilizmi dhe bindja e verbër.

Ai shprehet se nëse merr drejtimin e PD-së do të ketë mundësi për të gjithë, përmes punës dhe konkurrencës së ndershme.

“PD duhet të tërheqë njerëzit më të zotë dhe më të mirë që të bëhet #PartiaQeFiton. Por ata nuk bëhen pjesë nëse në PD nuk vlerësohet puna dhe aftësia. Sot, në PD nuk vlerësohet puna, vlerësohet servilizmi dhe bindja e verbër. Me mua në PD do të ketë mundësi për të gjithë dhe karrierë të hapur për të gjithë, përmes punës dhe konkurrencës së ndershme”, shkruan Shehaj.