LIGJET E BIZNESIT
Vetëm pak minuta pas mesnate, dy ekzekutime me armë zjarri kanë ndodhur në Vlorë dhe Lushnje.
Mësohet se dy persona janë vrarë në dy ngjarje të ndryshme kriminale.
Sipas informacioneve i plagosur ka mbetur dhe një person.
VRASJA NE VLORE
Shkëlzen Velaj ka mbetur viktimë e një atentati me armë zjarri në qytetin e Vlorës. 35-vjeçari ka qenë duke u kthyer në banesë në orët e vona të natës, kur pikasi një makinë të dyshimtë që e ndiqte.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Velaj ka nxituar për t’u futur në banesën e tij, në katin e pestë të pallatit, por në momentin që po priste të hapej dera, autori ka qëlluar me breshëri kallashnikovi drejt tij.
Sipas të dhënave paraprake, gati i gjithë karikatori i armës është zbrazur mbi 35-vjeçarin duke i shkaktuar vdekjen e menjëhershme. Viktima e atentatit të sotëm në Vlorë, Shkëlzen Velaj është vëllai i Ardi Velaj, i vrarë në masakrën e Çoles në 7 prill të 2015-ës.
Policia ka mbërritur në vendin e ngjarjes, ndërsa nga kontrollet pranë fshatit Risili është gjetur një makinë e djegur tip “BMW” që mendohet se është braktisur nga autorët.
VRASJE DHE PLAGOSJE NE LUSHNJE
Vetëm pak minuta pas krimit në Vlorë, një tjetër ngjarje e rëndë ka tronditur këtë here qytetin e Lushnjes.
Për motive ende të paqarta, raportohet se 57-vjeçari Sofokli Shani ka ekzekutuar me armë zjarri tip “Kallashnikov” 62-vjeçarin Rako Qorri.
Plumbat kanë prekur edhe djalin e viktimës, 31-vjeçarin Kejdi Qorri, i cili është dërguar në spitalin e qytetit dhe ndodhet nën kujdesin e mjekëve.
Policia thotë se ka arritur të arrestojë autorin menjëherë pas ngjarjes, si dhe ka sekuestruar armën e krimit.
